Hvað eru frumkvöðlarannsóknir?

Mér finnst vanta allt innihald í þessa frétt. En það er nú reyndar vaninn með íslenska blaðamennsku. Þannig að getur einhver sagt mér

- hvað eru frumkvöðlarannsóknir?

- hvaða þurfti HR að gera til að verða einn af þessum hornsteinum?

- hvað eru margir hornsteinar í þessu samstarfi?

- hvaða skyldur þarf HR að taka á sig nú þegar hann er orðinn hornsteinn í þessu samstarfi?

- hvort til sé eitthvað sértækara (og auðskiljanlegra) dæmi um hvernig þetta muni gagnast HR og sér í lagi íslenskum stúdentum?

Ég fann heimasíðu GEM en þar er ekkert minnst á þetta.


mbl.is Í forystu frumkvöðlarannsókna
Tilkynna um óviðeigandi tengingu við frétt

Óraunhæfara að taka upp Dollar en Evru

Nú hefur her sjálfstæðismanna lýst því yfir að við ættum frekar að taka upp Bandaríkjadal en Evruna. Flestir þeirra vilja að við tökum hann upp einhliða og segja það lítið mál en það er bara ekki rétt. Auðveldast væri fyrir þessa einstaklinga að fletta bloggum sínum nokkrar vikur aftur í tíman og skoða rök sín fyrir því að óraunhæft sé að taka einhliða upp Evruna. Þau eiga nefninlega öll við um Bandaríkjadal líka. Í stuttu máli felast þau í því að við eigum ekki nægan gjaldeyri til að skipta öllum innlánum og lífeyrissparnaði úr íslenskum krónum í erlenda mynt. Það þýðir að þó við gætum vissulega farið að versla með Dollurum (eða Evrum) þá myndi allur líffeyrissparnaður og innlán verða verðlaus ef það yrði gert.

Þannig að til að taka upp Dollara sitjum við uppi með nákvæmlega sama vandamál og til að taka upp Evru. Við þurfum að gera samning við einhvern erlendan seðlabanka og fallast á skilyrði hans. Það mun í báðum tilfellum taka töluverðan tíma og fáránlegt að halda því fram að við munum fá einhverja frekari hraðferð inn í Bandaríkin fremur en Evrópusambandið. 

Hitt er svo að það eru draumórar að halda að Bandaríkin vilji nokkuð með okkur hafa. Vissulega láta einhverrir stuttbuxnastrákanna í Sjálfstæðisflokknum sig dreyma um að ganga í frjálshyggjuparadísina en þeir eru sem betur fer tiltölulega fáir. Þess vegna vara ég við því að leyfa þeim að slá umræðunni svona á dreif með því að setja fram Bandaríkjadal sem einhvern valkost. Því hann er það ekki. Evrópusambandið og Evran er það eina sem okkur stendur til boða og þeir einu sem geta hjálpað okkur á ná hér stöðugleika. 

Í ljósi viðvörunar minnar vil ég svo taka fram að öllum athugasemdum í þágu Bandaríkjadals verður eytt. Þeirri umræðu er lokið með þessari bloggfærslu.


mbl.is Allt opið í gjaldeyrismálum
Tilkynna um óviðeigandi tengingu við frétt

Katrín er dúx lagadeildar HR

Eins og allir vita er Google skemmtilegt verkfæri sem má meðal annars nota til að athuga hvort fólk sem maður þekkir ekki sé áreiðanlegt eður ei. Ég athugaði því þessa Katrínu Oddsdóttur og eins og fram kemur á heimasíðu skólans þá dúxaði hún í lagadeild núna í vor. Af því má náttúrulega draga þá ályktun að Katrín þekkir betur til laga en 'aðrir nemendur skólans' og því finnst mér að fólkið í þessari grúppu ætti að hætta þessum barnalátum og fara að læra.

Auk þess er fáránlegt að HR fari að taka afstöðu til þess sem HR-ingar segja í fjölmiðlum með því að birta sumt en annað ekki.


mbl.is Óánægð með ræðu á heimasíðu
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband