Óraunhæfara að taka upp Dollar en Evru

Nú hefur her sjálfstæðismanna lýst því yfir að við ættum frekar að taka upp Bandaríkjadal en Evruna. Flestir þeirra vilja að við tökum hann upp einhliða og segja það lítið mál en það er bara ekki rétt. Auðveldast væri fyrir þessa einstaklinga að fletta bloggum sínum nokkrar vikur aftur í tíman og skoða rök sín fyrir því að óraunhæft sé að taka einhliða upp Evruna. Þau eiga nefninlega öll við um Bandaríkjadal líka. Í stuttu máli felast þau í því að við eigum ekki nægan gjaldeyri til að skipta öllum innlánum og lífeyrissparnaði úr íslenskum krónum í erlenda mynt. Það þýðir að þó við gætum vissulega farið að versla með Dollurum (eða Evrum) þá myndi allur líffeyrissparnaður og innlán verða verðlaus ef það yrði gert.

Þannig að til að taka upp Dollara sitjum við uppi með nákvæmlega sama vandamál og til að taka upp Evru. Við þurfum að gera samning við einhvern erlendan seðlabanka og fallast á skilyrði hans. Það mun í báðum tilfellum taka töluverðan tíma og fáránlegt að halda því fram að við munum fá einhverja frekari hraðferð inn í Bandaríkin fremur en Evrópusambandið. 

Hitt er svo að það eru draumórar að halda að Bandaríkin vilji nokkuð með okkur hafa. Vissulega láta einhverrir stuttbuxnastrákanna í Sjálfstæðisflokknum sig dreyma um að ganga í frjálshyggjuparadísina en þeir eru sem betur fer tiltölulega fáir. Þess vegna vara ég við því að leyfa þeim að slá umræðunni svona á dreif með því að setja fram Bandaríkjadal sem einhvern valkost. Því hann er það ekki. Evrópusambandið og Evran er það eina sem okkur stendur til boða og þeir einu sem geta hjálpað okkur á ná hér stöðugleika. 

Í ljósi viðvörunar minnar vil ég svo taka fram að öllum athugasemdum í þágu Bandaríkjadals verður eytt. Þeirri umræðu er lokið með þessari bloggfærslu.

Allt opið í gjaldeyrismálum

Athugasemdir

[Lísa Björk Ingólfsdóttir, 30.11.2008 kl. 01:11]

Það er allt í lagi þótt þú eyðir þeim.  Fólk veit sem betur fer mun meira í hagfræði en þú heldur.  Td að það þarf bara að skipta út seðlum og mynt í umferð M0 á hagfræðimáli, í mesta lagi M0+M1.  Allt hitt eru rafrænar tölur.

[Ferningur, 30.11.2008 kl. 01:18]

Ef þú vilt einhvern tíman getað notað lífeyrissparnaðinn þinn eða tekið út innlánin þín þá þarf að vera til eitthvað á bakvið þau. Við getum ekki bara breytt um einingu í tölvukerfinu og sannfært okkur um að við höfum tekið upp aðra mynt.

Í okkar tilfelli þyrfti seðlabankinn að geta skipt út íslensku krónum bankana fyrir gjaldeyri svo þeir gætu haldið áfram eðlilegri inn og útlánastarfsemi. Það á hann ekki.

[Lísa Björk Ingólfsdóttir, 30.11.2008 kl. 01:33]

Fjármagn margfaldast í bankakerfinu - svokallaður peningamargfaldari.  Þessvegna þarf ekki að skipta út nema grunnfé bankanna.

[Magnús (IP-tala skráð) 30.11.2008 kl. 01:41]

"EU mun gera allt sem í þeirra valdi stendur til að koma í veg fyrir að við tökum upp Evru nema að við göngum í EU og gefum þeim fiskinn okkar og olíuna okkar."

Stórkostleg málefnafátækt hjá ESB-andstæðingum. Síðan hvenær áttu Íslendingar olíu??? Það er rætt um olíu á drekasvæðinu en það er ekki einu sinni búið að kortleggja botninn þar að fullu. Síðan á eftir að fara í tilraunaboranir og þar á eftir að hefja framkvæmdir. Við erum að tala um a.m.k. 10-15 ára process. Og hvar í Sáttmálanum stendur að ESB ætti heimtingu á þessum auðlindum?

Þar að auki  er nokkuð ljóst að Íslendingar hafa hvorki bolmagn né þekkingu til að hefja olíuvinnslu

[Ferningur, 30.11.2008 kl. 01:44]

Það má hugsa á þetta öðruvísi. Ef að við gætum skipt einhliða út öllum peningum í umferð ásamt öllum innlánum í bankakerfinu fyrir minna magns evru en þar yrðu eftir útskiptinguna þá værum við að rýra gildi evrunnar. Það getum við augljóslega ekki gert einhliða.

Þetta er í raun og veru sami hluturinn og sú staðreynd að gjaldmiðill er verðlaus nema fólk treysti seðlabankanum sem á bakvið hann stendur.

[Thor Svensson (IP-tala skráð) 30.11.2008 kl. 02:06]

Ég hef stungið mælistiku niður í nokkur blog til að sjá hver áhrifin yrðu með þessari færslu: "Göngum bara í ríkjasamband með Danmörk. Þá höfum við komist bakdyramegin í ESB og með danskri krónu höfum við Evru. Einfalt! ". Merkilegt, þá eru engin viðbrögð! En kannski er það einmitt niðurstaðan. Sjáum við bara svart þegar minnst er á nána frændur okkar? Er sú gamla afdankaða heilavöskun enn svo sterk í okkur að rök hyljast myrkri við bara að nefna möguleikan? Við höfum jú erft handrit forfeðra okkar á sjálfstæði og fullveldi, en það handrit er algjörlega ónothæft í dag. í það minnsta ætti að vera mögulegt í paradigmskiftum þeim sem þjóðin er nú að ganga í gegnum að endurskoða rækilega það handrit sem við höfum notað sem leiðarljós í áratugi. Einnig samband okkar við nána frændur okkar dani.

Stephan R. Covey skrifar um Anwar Sadat sem alin var upp með inngróna hefnd á ísraelum. Svo lengi sem Ísraelar hafa einn fót á arabísku landi mun ég aldrei taka í hönd þeirra. Aldrei, aldrei, aldrei! Og fólkið fagnaði og fylgdi honum í gegnum þykkt og þunnt. Þegar hann seinna varð leiðtogi þjóðar sinnar varð honum ljóst að breytinga var þörf. Það handrit sem hann hafði lifað eftir, hafði stillt honum sem og allri þjóð sinni upp við vegg. Nýs handrits var þörf. Paradigmskifti varð þörf. Með skynsemi og yfirsýn yfir hvað væri í hans og þjóðarinnar valdi, gekk han skrefið til fulls. Árangurinn varð einn stórkostlegasti friðarferill í nýjari sögu sem toppaði í Camp David sáttmálunum. Sjáið hvar þessi þjóð er í dag!

Hvað myndum við missa við að líta okkur nær og taka skynsemina í not? Við erum ákaflega lítil þjóð á mörkum þess að geta lifað fullburða lífi. Það hefur ávallt verið upp í móti og þannig mun það alltaf verða. Sjálfstæði og fullveldi höfum við og viljum gjarnan halda. Kanada, Ástralía og fleiri ríki eru einnig sjálfstæð ríki þó þau séu í Commonwealth. Horfum við niður á .au ríki. Ég get talið upp marga kosti við að vera hluti af danska ríkjasambandinu. Sumir eru þó augljósari en aðrir. En ég læt nægja að benda á varnarmál og efnahagsmál í því sambandi.

Ferningur, þú virðist skynsamur maður. Hvað er þitt álit á þessum smá pistli mínum og vangavelltum og ekki minnst viðbragðaleysi fólks þegar þetta er nefnt?

[Thor Svensson (IP-tala skráð) 30.11.2008 kl. 02:09]

Þetta átti að sjálfsögðu að vera "Horfum við niður á þau ríki?"

[Óskar Ingi Gíslason, 30.11.2008 kl. 02:16]

Magnús, verð að benda þér á að það bendir allt til þess að við eigum meiri olíu á Drekasvæðinu heldur en Norðmenn eiga í Norðursjónum, næsta mál er að byrja tilraunaboranir á næsta ári ef það gengur vel ætti vinnsla að vera komin á fullt eftir 3-5 ár, það tekur þann tíma að klára ransóknir og smíða þau tæki sem þarf til að ná olíunni í land, ekki 10-15 ár. Þetta ferli gengur þannig fyrir sig, Íslenska ríkið fær fyrirtæki til að gera tilboð í tilraunaboranir,td þeir borga 50milljarða, ef það fyrirtæki finnur olíu í vinnanlegu magni þá selur það fyrirtæki olíufyrirtækjum rétt til að dæla upp olíu þar sem þeir hafa borað fyrir t.d. 100milljarða, svo Íslendingar þurfa og munu aldrei borga upphafskostnað af þessum framkvæmdum, ég heyrði að þetta sé um 1-3% af olíunni sem fyrirtækin fá, restin fær ríkið, sel það samt ekki dýrara en ég stal því og auðvitað væri hægt að klúðra þessu.

Svo finnst mér persónulega mjög einkennilegt að Íslenska fjármálakerfið hrynur á sama tíma og ransóknir gefa til kynna að það sé gríðarlega mikil olía innan Íslensku efnahagslögsögunnar á Dreka svæðinu, þá er eftir Hatton Rockall svæðið sem Bretar hafa ásælst í áratugi. Svo menn tali nú ekki um Svalbarðasamninginn sem er mesta landráð Íslandsögunnar.

[Ferningur, 30.11.2008 kl. 02:24]

Reyndar, þó að hugsanlega sé meira sé af olíu á drekasvæðinu heldur en í Noregi þá er miklu dýrara að vinna hana. Þannig að það fæst minni hagnaður nema olíuverð sé þeim mun hærra. Því er þetta ekki alveg sambærilegt. En engu að síður, ef málin fara eins og Össur vonar þá væri það mjög heppilegt.

[Óskar Ingi Gíslason, 30.11.2008 kl. 02:48]

Gaman af því að það sé vitnað í færslu sem þú eyddir Ferningur, en hvað um það.

Já það væri mjög heppilegt fyrir okkur Ferningur, og við skulum vona að við fáum að njóta þess. Sagan mun seiga okkur að efnahagshrunið var ekki tilviljun

[Ferningur, 30.11.2008 kl. 03:12]

Það er alveg merkilegt að fólk haldi að ég meini ekki það sem ég segi. Fólk dælir hér inn athugasemdum um Bandaríkjadal. Til að spara öllum tíma er hægt að taka öll þessi komment saman í þá fullyrðingu að seðlabanka bandaríkjanna sé alveg sama hverjir nota dollar. Það er alveg rétt en það breytir því ekki að við höfum ekki burði til að taka upp Bandaríkjadal einhliða (rétt eins og með Evruna). Jafnframt hafa þau ríki sem tekið hafa upp Bandaríkjadal með þessum hætti annað hvort skuldsett sig alveg gríðarlega (og þurft að vera á spena hjá IMF áratugum saman) eða að þau hafa þurft að horfa á eftir ævisparnaðinum sínum þegar fyrri gjaldmiðill var gerður verðlaus. Hvorugt viljum við og hvort tveggja er óþarfi því við höfum betri kost sem kallast Evrópusambandið.

Í öllu falli er þetta komið gott. Það má fara í nánari case-studies síðar.